ਮਨੀਸ਼ ਬਾਂਸਲ ਦੇ ਹੱਕ 'ਚ ਉਹਨਾਂ ਦੀ ਪਤਨੀ ਸਾਇਨਾ ਬਾਂਸਲ ਨੇ ਕੀਤਾ ਚੋਣ ਪ੍ਰਚਾਰ

ਬਰਨਾਲਾ, 13 ਫਰਵਰੀ (ਅਮਨਦੀਪ ਸਿੰਘ ਭੋਤਨਾ/ਕਰਮਜੀਤ ਸਿੰਘ ਗਾਦੜ੍ਹਾ) : ਹਲਕਾ ਬਰਨਾਲਾ ਤੋਂ ਕਾਂਗਰਸ ਦੇ ਉਮੀਦਵਾਰ ਮਨੀਸ਼ ਬਾਂਸਲ ਦੀ ਪਤਨੀ ਸਾਇਨਾ ਬਾਂਸਲ ਨੇ ਸੇਖਾ ਰੋਡ ਦੀਆਂ ਦੁਕਾਨਾਂ ਤੇ ਵਾਰਡ ਨੰਬਰ 18,19,20 ਵਿੱਚ ਜਾ ਕੇ ਚੋਣ ਪ੍ਰਚਾਰ ਕੀਤਾ। ਇਸ ਸਮੇਂ ਸਾਇਨਾ ਬਾਂਸਲ ਨੇ ਵਾਰਡ ਨੰਬਰ 19 ਦੀ ਐਮਸੀ ਰਾਣੀ ਕੌਰ ਸੇਖਾ, ਸੀਨੀਅਰ ਆਗੂ ਜਸਮੇਲ ਡੇਅਰੀ ਵਾਲਾ ਨੂੰ ਨਾਲ ਲੈ ਕੇ ਡੋਰ ਟੂ ਡੋਰ ਜਾ ਕੇ ਪਤੀ ਮਨੀਸ਼ ਬਾਂਸਲ ਨੂੰ ਵੋਟਾਂ ਪਾਉਣ ਦੀ ਅਪੀਲ ਕੀਤੀ।    

ਇਸ ਸਮੇਂ ਸਾਇਨਾ ਬਾਂਸਲ ਨੇ ਕਿਹਾ ਕਿ ਸੇਖਾ ਰੋਡ ਦੇ 18,19,20,21 ਵਿੱਚੋਂ ਕਾਂਗਰਸ ਪਾਰਟੀ ਦੇ ਜਿੱਤੇ ਐਮਸੀਆਂ ਵੱਲੋਂ ਕਰੋੜਾਂ ਰੁਪਏ ਦਾ ਵਿਕਾਸ ਕਰਵਾਇਆ ਗਿਆ ਹੈ। ਇਸ ਸਮੇਂ ਸੇਖਾ ਰੋਡ ਦੇ ਵਾਰਡ ਵਾਸੀਆਂ ਵੱਲੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਮਨੀਸ਼ ਬਾਂਸਲ ਦਾ ਸਾਥ ਦੇਣ ਦਾ ਨਾਅਰਾ ਦਿੱਤਾ। ਇਸ ਸਮੇਂ ਸਾਇਨਾ ਬਾਂਸਲ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਨੂੰ ਪਿੰਡਾਂ ਅਤੇ ਸ਼ਹਿਰਾਂ ਵਿੱਚੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ, ਜਿਸ ਕਰਕੇ ਸੂਬੇ ਵਿੱਚ ਇਕ ਵਾਰ ਫਿਰ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੀ ਸਰਕਾਰ ਆਵੇਗੀ। ਇਸ ਸਮੇਂ ਉਨ੍ਹਾਂ ਨੇ 20 ਫਰਵਰੀ ਨੂੰ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਵੋਟਰਾਂ ਨੂੰ ਆਪਣੇ ਪਤੀ ਮਨੀਸ਼ ਬਾਂਸਲ ਨੂੰ  ਵੋਟ ਪਾਉਣ ਦੀ ਅਪੀਲ ਕੀਤੀ। ਇਸ ਮੌਕੇ ਮਨੀਸ਼ ਸੇਖਾ, ਅਰਸ਼ਦੀਪ ਕੌਰ, ਸੁਰਿੰਦਰ ਕੌਰ, ਜਗਸੀਰ ਸਿੰਘ ਸੀਰਾ ਅਤੇ ਵੱਡੀ ਗਿਣਤੀ ਵਿੱਚ ਔਰਤਾਂ ਹਾਜ਼ਰ ਸਨ।- News Today Punjab